WINNIE POOHInoiz Christopher Robini buruzko beste libururen bat irakurri baduzu, gogoratuko duzu noski beltxarga bat zeukala (edo bertxargak Christopher Robin zeukan, ez jakin zeinek zein), eta beltxargari Pooh deitzen ziola. Kontu hori aspaldikoa da, eta, agur esan genionean ipuinari, izen hori geurekin eraman genuen, ez baikenuen uste beltxargak berriro beharko zuenik. Hala, Edward Hartzak esan zuenean izen harrigarri bat nahi zuela beretzat ere, Christopher-ek bat-batean bota zuen, pentsatzeko betarik hartu gabe, Winnie Pooh izan zitekeela. Eta halaxe izan zen. Beraz, Pooh-ri buruzko kontua azalduta, orain gainerakoa azalduko dut.